ធនាគារចល័ត

សេវាកម្មធនាគារតាមអនឡាញរបស់យើងខ្ញុំមានអត្ថប្រយោជន៍ជាច្រើន លោកអ្នកអាចទទួលបានព័ត៌មានចុងក្រោយបំផុតអំពីគណនីធនាគារ CUBC របស់លោកអ្នក មានដូចជា ប្រតិបត្តិការកាតឥណពន្ធ និងកាតឥណទាន, ការទូទាត់វិក្កយបត្រ ការផ្ទេរប្រាក់ បញ្ចូលទឹកប្រាក់តាមទូរស័ព្ទចល័តរបស់លោកអ្នក និងមុខងារជាច្រើនទៀត។ លោកអ្នកអាចប្រើប្រាស់គណនី CUBC របស់លោកអ្នក បានគ្រប់ពេលវេលា គ្រប់ទីកន្លែងដោយទំនុកចិត្ត ហើយវាជួយសន្សំសំចៃពេលវេលាច្រើនក្នុងការធ្វើប្រតិបត្តិការគណនីធនាគាររបស់លោកអ្នកតាមប្រព័ន្ធអនឡាញដោយមិនចាំបាច់ទៅតម្រង់ជួរនៅសាខាធនាគាររបស់យើងខ្ញុំនោះទេ។ លើសពីនេះទៀត សេវាកម្មធនាគារចល័តរបស់យើងខ្ញុំផ្ដល់ជូននូវសុវត្ថិភាព និងងាយស្រួលក្នុងការធ្វើប្រតិបត្តិការ។

សម្រាប់ការចុះឈ្មោះប្រើប្រាស់សេវាកម្មធនាគារចល័តរបស់សាជីវកម្មធនាគារ កាថេ យូណៃធីត (កម្ពុជា) ចំកាត់មិនមានគិតថ្លៃសេវានោះទេ។ ថ្លៃសេវាត្រូវបានគិតនៅពេលដែលលោកអ្នកធ្វើប្រតិបត្តិការទៅលើការផ្ទេរប្រាក់តាមធនាគារ -ល-។

លោកអ្នកអាចធ្វើប្រតិបត្តិការផ្ទេរប្រាក់ដូចខាងក្រោម៖

• ការផ្ទេរប្រាក់ទៅគណនីធនាគារ កាថេ យូណៃធីត (កម្ពុជា) ចំកាត់ ផ្ទាល់ខ្លួនរបស់លោកអ្នក
• ការផ្ទេរប្រាក់ទៅកាន់គណនីធនាគារ កាថេ យូណៃធីត (កម្ពុជា) ចំកាត់ផ្សេងទៀត
• ការផ្ទេរប្រាក់ទៅគណនីធនាគារផ្សេងៗទៀតក្នុងប្រទេសកម្ពុជា
• ការផ្ទេរប្រាក់ទៅគណនីធនាគារផ្សេងទៀតនៅក្រៅប្រទេស

សេវាផ្ទេរប្រាក់រហ័ស សំដៅដល់ការផ្ទេរប្រាក់ក្នុងស្រុកជារូបិយប័ណ្ណរៀល ទៅកាន់គណនីធនាគារក្នុងស្រុកផ្សេងទៀតដែលជាសមាជិករបស់ប្រព័ន្ធទូទាត់រហ័ស។

តាមរយៈការប្រើប្រាស់សេវាផ្ទេរប្រាក់រហ័ស ខ្ញុំបានយល់ព្រមទៅតាមលក្ខខណ្ឌផ្សេងៗដែលគ្រប់គ្រងទៅលើសេវាអេឡិចត្រូនិច​ គណនីសន្សំ គណនីចរន្ត ព្រមទាំងសេវាផ្ទេរប្រាក់ក្នុងស្រុក។

ខ្ញុំបានដឹងថាប្រតិបត្តិការរបស់ខ្ញុំ ត្រូវបានធ្វើឡើងដោយផ្អែកទៅលើអត្រាប្ដូរប្រាក់ក្នុងកំឡុងពេលធ្វើប្រតិបត្តិការ ដែលអាចខុសគ្នាពីអត្រាប្ដូរប្រាក់ដែលបានបង្ហាញលើគេហទំព័ររបស់ធនាគារ (CUBC)​។

ខ្ញុំយល់ព្រមផ្តល់ជូននូវរាល់ឯកសារពាក់ព័ន្ធបន្ថែមដែលតម្រូវដោយធនាគារ​ (CUBC) ហើយខាងធនាគារ (CUBC) នឹងមិនទទួលខុសត្រូវចំពោះប្រតិបត្តិការណាមួយដែលមិនត្រូវបានធ្វើឡើង ដោយសារតែឯកសារតម្រូវមិនគ្រប់គ្រាន់នោះឡើយ។

ការផ្ទេរប្រាក់ក្នុងស្រុក សំដៅដល់សេវាផ្ទេរប្រាក់ទៅកាន់ធនាគារក្នុងស្រុកផ្សេងទៀត​។

តាមរយៈការប្រើប្រាស់សេវាផ្ទេរប្រាក់ក្នុងស្រុក ខ្ញុំបានយល់ព្រមទៅតាមលក្ខខណ្ឌផ្សេងៗដែលគ្រប់គ្រងទៅលើសេវាអេឡិចត្រូនិច​ គណនីសន្សំ គណនីចរន្ត ព្រមទាំងសេវាផ្ទេរប្រាក់ក្នុងស្រុក។

ខ្ញុំបានដឹងថាប្រតិបត្តិការរបស់ខ្ញុំ ត្រូវបានធ្វើឡើងដោយផ្អែកទៅលើអត្រាប្ដូរប្រាក់ក្នុងកំឡុងពេលធ្វើប្រតិបត្តិការ ដែលអាចខុសគ្នាពីអត្រាប្ដូរប្រាក់ដែលបានបង្ហាញលើគេហទំព័ររបស់ធនាគារ (CUBC)​។

ខ្ញុំយល់ព្រមផ្តល់ជូននូវរាល់ឯកសារពាក់ព័ន្ធបន្ថែមដែលតម្រូវដោយធនាគារ​ (CUBC) ហើយខាងធនាគារ (CUBC) នឹងមិនទទួលខុសត្រូវចំពោះប្រតិបត្តិការណាមួយដែលមិនត្រូវបានធ្វើឡើង ដោយសារតែឯកសារតម្រូវមិនគ្រប់គ្រាន់នោះឡើយ។

តាមរយៈការទាញយក ឬការប្រើប្រាស់កម្មវិធី លក្ខខណ្ឌទាំងនេះនឹងអនុវត្តចំពោះលោកអ្នកដោយស្វ័យប្រវត្តិ លោកអ្នកគួរតែប្រាកដថាលោកអ្នកបានអានវាដោយយកចិត្តទុកដាក់មុនពេលប្រើប្រាស់កម្មវិធី។ លោកអ្នកមិនត្រូវបានអនុញ្ញាតឱ្យចម្លង ឬកែប្រែកម្មវិធី ផ្នែកណាមួយនៃកម្មវិធី ឬពាណិជ្ជសញ្ញារបស់យើងតាមមធ្យោបាយណាមួយឡើយ។ លោកអ្នកមិនត្រូវបានអនុញ្ញាតឱ្យព្យាយាមទាញយកកូដដើមនៃកម្មវិធី ហើយលោកអ្នកក៏មិនគួរព្យាយាមបកប្រែកម្មវិធីទៅជាភាសាផ្សេងទៀត ឬបំលែងកម្មវិធីនោះទេ។ កម្មវិធី និងរាល់ពាណិជ្ជសញ្ញា ការរក្សាសិទ្ធិ សិទ្ធិមូលដ្ឋានទិន្នន័យ និងកម្មសិទ្ធិបញ្ញាផ្សេងទៀត ដែលទាក់ទងនឹងកម្មវិធី នៅតែជាកម្មសិទ្ធិរបស់សាជីវកម្មធនាគារកាថេ យូណៃធីត (កម្ពុជា) ចំកាត់។

សាជីវកម្មធនាគារកាថេ យូណៃធីត (កម្ពុជា) ចំកាត់ ប្តេជ្ញាធានាថា កម្មវិធីនេះមានប្រយោជន៍ និងមានប្រសិទ្ធភាពតាមដែលអាចធ្វើទៅបាន។ សម្រាប់ហេតុផលនោះ ធនាគាររក្សាសិទ្ធិដើម្បីធ្វើការផ្លាស់ប្តូរកម្មវិធី ឬគិតថ្លៃសេវារបស់វាគ្រប់ពេលវេលា និងដោយហេតុផលណាមួយ។ ធនាគារយើងខ្ញុំនឹងមិនគិតថ្លៃសេវាពីលោកអ្នកសម្រាប់កម្មវិធី ឬសេវាកម្ម ដោយពុំបានបញ្ជាក់ឱ្យច្បាស់ ចំពោះសេវាដែលលោកអ្នកនឹងត្រូវបង់នោះទេ។

កម្មវិធី CUBC MBANKING រក្សាទុក និងដំណើរការទិន្នន័យផ្ទាល់ខ្លួន ដែលលោកអ្នកបានផ្តល់ឱ្យធនាគារយើងខ្ញុំ ដើម្បីផ្តល់ជូននូវសេវាកម្មរបស់ធនាគារ។ វាជាទំនួលខុសត្រូវរបស់លោកអ្នកក្នុងការរក្សាទូរស័ព្ទរបស់លោកអ្នក និងការចូលប្រើកម្មវិធីឱ្យមានសុវត្ថិភាព។ ដូច្នេះហើយ យើងខ្ញុំសូមណែនាំថា លោកអ្នកមិនត្រូវ Jailbreak ឬ Root ទូរស័ព្ទរបស់លោកអ្នកឡើយ ដែលវាជាដំណើរការនៃការរឹតត្បិត និងកំណត់កម្មវិធី ដោយប្រព័ន្ធប្រតិបត្តិការផ្លូវការ នៃឧបករណ៍របស់លោកអ្នក។ វាអាចធ្វើឱ្យទូរស័ព្ទរបស់លោកអ្នកងាយឆ្លងមេរោគ និងធ្វើឱ្យខូចមុខងារសុវត្ថិភាពទូរស័ព្ទរបស់លោកអ្នក ហើយវាអាចមានន័យថាកម្មវិធី CUBC MBANKING នឹងមិនអាចដំណើរការមិនបានត្រឹមត្រូវ ឬមិនដំណើរការទាំងស្រុង។

លោកអ្នកគួរតែដឹងថាមានរឿងមួយចំនួនដែលសាជីវកម្មធនាគារកាថេ យូណៃធីត (កម្ពុជា) ចំកាត់នឹងមិនទទួលខុសត្រូវសម្រាប់មុខងារមួយចំនួនរបស់កម្មវិធីដែលតម្រូវឱ្យកម្មវិធីមានការតភ្ជាប់អ៊ីនធឺណិតយ៉ាងសកម្ម។ ការតភ្ជាប់អាចជា Wi-Fi ឬការផ្តល់ដោយអ្នកផ្តល់បណ្តាញទូរស័ព្ទចល័តរបស់លោកអ្នក ប៉ុន្តែសាជីវកម្មធនាគារកាថេ យូណៃធីត (កម្ពុជា) ចំកាត់ មិនអាចទទួលខុសត្រូវចំពោះកម្មវិធីមិនដំណើរការពេញលេញទេ ប្រសិនបើលោកអ្នកមិនមានសិទ្ធិចូលប្រើ Wi-Fi និង ទូរស័ព្ទរបស់លោកអ្នកមិនមានទឹកប្រាក់គ្រប់គ្រាន់នោះទេ។

ប្រសិនបើលោកអ្នកកំពុងប្រើប្រាស់កម្មវិធីនៅខាងក្រៅតំបន់ដែលមាន Wi-Fi លោកអ្នកគួរតែចងចាំថាលក្ខខណ្ឌនៃកិច្ចព្រមព្រៀងរវាងលោកអ្នកជាមួយនឹងអ្នកផ្តល់បណ្តាញទូរស័ព្ទរបស់អ្នកនឹងនៅតែបន្តអនុវត្ត។ ជាលទ្ធផល លោកអ្នកអាចត្រូវបានគិតប្រាក់ដោយអ្នកផ្តល់សេវាទូរស័ព្ទរបស់លោកអ្នកនៃតម្លៃទិន្នន័យសម្រាប់រយៈពេលនៃការតភ្ជាប់ខណៈពេលកំពុងចូលប្រើកម្មវិធី ឬគិតថ្លៃពីភាគីទីបីផ្សេងទៀត។ តាមរយៈការប្រើប្រាស់កម្មវិធី លោកអ្នកកំពុងទទួលយកការទទួលខុសត្រូវចំពោះការគិតថ្លៃបែបនេះ រួមទាំងការគិតថ្លៃទិន្នន័យរ៉ូមីង (roaming) ប្រសិនបើលោកអ្នកប្រើកម្មវិធីនៅខាងក្រៅតំបន់របស់លោកអ្នក (ពោលគឺតំបន់ ឬប្រទេស) ដោយមិនបានបិទទិន្នន័យរ៉ូមីង (roaming)។ ប្រសិនបើលោកអ្នកមិនមែនជាអ្នកទូទាត់វិក្កយបត្រសម្រាប់ឧបករណ៍ដែលអ្នកកំពុងប្រើកម្មវិធីនេះទេ សូមដឹងថាយើងសន្មត់ថាលោកអ្នកបានទទួលការអនុញ្ញាតពីអ្នកទូទាត់វិក្កយបត្រសម្រាប់ការប្រើប្រាស់កម្មវិធីនេះ។

សាជីវកម្មធនាគារកាថេ យូណៃធីត (កម្ពុជា) ចំកាត់ មិនទទួលខុសត្រូវចំពោះវិធីដែលលោកអ្នកប្រើប្រាស់កម្មវិធីនោះទេ ពោលគឺលោកអ្នកត្រូវប្រាកដថាឧបករណ៍របស់លោកអ្នកនៅតែមានថាមពលថ្ម ប្រសិនបើវាអស់ថ្ម នោះលោកអ្នកមិនអាចបើកវាប្រើប្រាស់សេវាកម្មនេះបានទេ សាជីវកម្មធនាគារកាថេ យូណៃធីត (កម្ពុជា) ចំកាត់ មិនទទួលយកការទទួលខុសត្រូវនោះទេ។

ទាក់ទងទៅនឹងទំនួលខុសត្រូវរបស់ សាជីវកម្មធនាគារកាថេ យូណៃធីត (កម្ពុជា) ចំកាត់ សម្រាប់ការប្រើប្រាស់កម្មវិធីរបស់លោកអ្នក នៅពេលដែលលោកអ្នកកំពុងប្រើប្រាស់កម្មវិធីនេះ វាគឺជារឿងសំខាន់ដែលត្រូវចងចាំថា ទោះបីជាយើងព្យាយាមធានាថាវាត្រូវបានធ្វើបច្ចុប្បន្នភាពកម្មវិធីត្រឹមត្រូវក៏ដោយ ពេលខ្លះធនាគារក៏ពឹងផ្អែកលើភាគីទីបី ដើម្បីផ្តល់ព័ត៌មានដល់ធនាគារយើងខ្ញុំ ដូច្នេះធនាគារអាចធ្វើឱ្យវាអាចប្រើប្រាស់បានសម្រាប់លោកអ្នក។ សាជីវកម្មធនាគារកាថេ យូណៃធីត (កម្ពុជា) ចំកាត់ មិនទទួលខុសត្រូវចំពោះការបាត់បង់ណាមួយ ដោយផ្ទាល់ ឬដោយប្រយោល ដែលលោកអ្នកជួបប្រទះនៅលើមុខងាររបស់កម្មវិធីនេះឡើយ។

នៅចំណុចខ្លះ ធនាគារយើងខ្ញុំនឹងធ្វើបច្ចុប្បន្នភាពកម្មវិធី។ កម្មវិធីបច្ចុប្បន្នគឺមាននៅលើប្រព័ន្ធប្រតិបត្តិការ Android និង iOS – តម្រូវការសម្រាប់ប្រព័ន្ធទាំងពីរ (សម្រាប់ប្រព័ន្ធបន្ថែមណាមួយដែលធនាគារសម្រេចចិត្តដាក់ប្រើប្រាស់ក្នុងកម្មវិធី) អាចនឹងផ្លាស់ប្តូរ ហើយលោកអ្នកនឹងត្រូវទាញយកការធ្វើបច្ចុប្បន្នភាពប្រសិនបើលោកអ្នកចង់បន្តប្រើប្រាស់កម្មវិធី។ សាជីវកម្មធនាគារកាថេ យូណៃធីត (កម្ពុជា) ចំកាត់ មិនប្រាកដថានឹងតែងតែធ្វើបច្ចុប្បន្នភាពកម្មវិធីជានិច្ចទេ ដូច្នេះវាពាក់ព័ន្ធជាមួយនឹងដំណើរការនៃកំណែ Android និង iOS ដែលលោកអ្នកបានដំឡើងនៅលើឧបករណ៍របស់លោកអ្នក។ ទោះយ៉ាងណាក៏ដោយ លោកអ្នកសន្យាថានឹងទទួលយកការធ្វើបច្ចុប្បន្នភាពកម្មវិធីជានិច្ច នៅពេលដែលធនាគារយើងខ្ញុំផ្តល់ជូនលោកអ្នក ធនាគារយើងខ្ញុំក៏អាចនឹងបញ្ឈប់ការផ្តល់ជូនកម្មវិធីនេះ ហើយក៏អាចបញ្ចប់ការប្រើប្រាស់វាបានគ្រប់ពេលដោយមិនផ្តល់ការជូនដំណឹងអំពីការបញ្ឈប់ដល់លោកអ្នក។ លុះត្រាតែធនាគារយើងខ្ញុំជូនដំណឹងលោកអ្នកបើមិនដូច្នេះទេ នៅពេលការមានការបញ្ឈប់អ្វីមួយ (ក) សិទ្ធិ និងអាជ្ញាប័ណ្ណដែលបានផ្តល់ឱ្យលោកអ្នកក្នុងលក្ខខណ្ឌទាំងនេះនឹងបញ្ចប់ (ខ) លោកអ្នកត្រូវតែឈប់ប្រើប្រាស់កម្មវិធីនេះ (ប្រសិនបើចាំបាច់) លុបវាចេញពីឧបករណ៍របស់លោកអ្នក។

ការកែប្រែខចែង និងលក្ខខណ្ឌ

ធនាគារយើងខ្ញុំអាចធ្វើបច្ចុប្បន្នភាពខចែង និងលក្ខខណ្ឌរបស់ធនាគារយើងខ្ញុំពីពេលមួយទៅពេលមួយ។ ដូច្នេះ លោកអ្នកត្រូវពិនិត្យមើលទំព័រនេះជាទៀងទាត់សម្រាប់ការកែប្រែណាមួយ។ ធនាគារយើងខ្ញុំនឹងជូនដំណឹងដល់លោកអ្នកពីការកែប្រែដោយការប្រកាសអំពីគោលការណ៍ឯកជនភាពថ្មីនៅលើទំព័រនេះ។ ការកែប្រែទាំងនេះមានប្រសិទ្ធភាពភ្លាមៗបន្ទាប់ពីបានប្រកាសនៅលើទំព័រនេះ។

ទាក់ទងមកកាន់ធនាគារយើងខ្ញុំ

ប្រសិនបើលោកអ្នកមានសំណួរអំពី ខចែង និងលក្ខខណ្ឌរបស់ធនាគារ សូមធ្វើការទាក់ទងមកធនាគារយើងខ្ញុំតាមរយៈគេហទំព័រ៖ https://www.cathaybk.com.kh

ប្រសិនបើលោកអ្នកមានបំណងប្រើប្រាស់សេវាកម្មប្រាក់បញ្ញើមានកាលកំណត់តាមប្រព័ន្ធអនឡាញរបស់សាជីវកម្មធនាគារ កាថេយូណៃធីត (កម្ពុជា) ចំកាត់ ខចែង និងលក្ខខណ្ឌផ្សេងៗនឹងត្រូវអនុវត្តភ្លាមៗ ហើយលោកអ្នកត្រូវបានសន្មតថាយល់ព្រមជាមួយ ខចែង និងលក្ខខណ្ឌទាំងនេះមុនពេលលោកអ្នកអាចប្រើប្រាស់សេវាកម្មមួយនេះ។ ជាការចាំបាច់ណាស់ដែលលោកអ្នកត្រូវអាន ខចែង និង លក្ខខណ្ឌទាំងនេះមុនពេលលោកអ្នកប្រើប្រាស់សេវាកម្មប្រាក់បញ្ញើមានកាលកំណត់តាមប្រព័ន្ធអនឡាញរបស់សាជីវកម្មធនាគារ កាថេ យូណៃធីត (កម្ពុជា) ចំកាត់។ ប្រសិនបើលោកអ្នកមានចម្ងល់ ឬ មិនទាន់យល់ច្បាស់ត្រង់ចំនុចណាមួយទៅលើ ខចែង និងលក្ខខណ្ឌទាំងនេះ លោកអ្នកអាចធ្វើការទំនាក់ទំនងមកខាង ធនាគារយើងខ្ញុំដើម្បីធ្វើការបញ្ជាក់បន្ថែមជូនលោកអ្នកអោយកាន់តែច្បាស់។

ខចែង និង លក្ខខណ្ឌក្នុងឯកសារនេះមិនតំណាងឱ្យលក្ខខណ្ឌទាំងអស់ដែលផលិតផល និងសេវាកម្មរបស់ធនាគារត្រូវបានផ្តល់ជូននោះទេ។ ទោះយ៉ាងណាក៏ដោយ លក្ខខណ្ឌបន្ថែមអាចត្រូវបានបញ្ជាក់ដោយច្បាប់ និងបទប្បញ្ញត្តិនានា។

ធនាគារយើងខ្ញុំ រក្សាសិទ្ធិក្នុងការកែប្រែនូវ ខចែង និង លក្ខខណ្ឌណាមួយដោយមិនចាំបាច់មានការជូនដំណឹងជាមុន។

ការបើកគណនីប្រាក់បញ្ញើមានកាលកំណត់តាមប្រព័ន្ធអនឡាញ

គណនីប្រាក់បញ្ញើមានកាលកំណត់តាមប្រព័ន្ធអនឡាញបើកដំណើរការតាមរយៈប្រព័ន្ធធនាគារអនឡាញរបស់ ធនាគារ កាថេ យូណៃធីត (កម្ពុជា) ជាមួយនឹងតម្រូវការដូចជា៖ ចំនួនប្រាក់បញ្ញើបឋមអប្បបរមា ចំនួនប្រាក់អតិបរមាក្នុងការបើក ប្រភេទរូបិយប័ណ្ណ រយៈពេល លក្ខខណ្ឌ អត្រាការប្រាក់ និង ព័ត៌មានជាក់លាក់របស់អតិថិជន។

គណនីបង្គោល

អតិថិជនអាចដាក់ពាក្យសុំបើកគណនីប្រាក់បញ្ញើមានកាលកំណត់តាមរយៈប្រព័ន្ធធនាគារអនឡាញ លុះត្រាតែពួកគេមានយ៉ាងហោចណាស់នូវគណនីសន្សំផ្ទាល់ខ្លួន ឬគណនីចរន្តផ្ទាល់ខ្លួន (តាមលក្ខខណ្ឌដាច់ដោយឡែក) ដែលអនុញ្ញាតឲ្យភ្ជាប់ជាមួយប្រព័ន្ធធនាគារអនឡាញរបស់សាជីវកម្មធនាគារ កាថេយូណៃធីត (កម្ពុជា) ចំកាត់។

គណនីបង្គោលមិនអាចបិទបានទេ ប្រសិនបើមានការភ្ជាប់ជាមួយនឹងគណនីប្រាក់បញ្ញើមានកាលកំណត់ផ្សេងទៀតដែលមានរួចក្នុងបញ្ជីគណនី លើកលែងតែមានការរៀបចំផ្សេងទៀតសម្រាប់ការបិទគណនីត្រូវបានបង្កើត ឬបានយល់ព្រមដោយសាជីវកម្មធនាគារ កាថេយូណៃធីត (កម្ពុជា) ចំកាត់។

រូបិយប័ណ្ណ

ប្រភេទរូបិយប័ណ្ណ ដើម្បីបើកគណនីប្រាក់បញ្ញើមានកាលកំណត់តាមរយៈប្រព័ន្ធធនាគារអនឡាញរបស់សាជីវកម្មធនាគារ កាថេយូណៃធីត (កម្ពុជា) ចំកាត់ អាចជា ប្រាក់ដុល្លារ ឬ ប្រាក់រៀល។ រូបិយប័ណ្ណផ្សេងគ្នា (ឧទាហរណ៍៖ គណនីបង្គោលជាប្រាក់ដុល្លារ ទៅគណនីប្រាក់បញ្ញើមានកាលកំណត់ជាប្រាក់រៀល) គឺមិនត្រូវបានអនុញ្ញាតឲ្យបើកគណនីប្រាក់បញ្ញើមានកាលកំណត់តាមប្រព័ន្ធអនឡាញនោះទេ។ ធនាគារយើងខ្ញុំ អាចនឹងមានការផ្លាស់ប្តូរនិងកែប្រែ សិទ្ធិ និង លក្ខខណ្ឌក្នុងពេលវេលាណាមួយ ដែលនឹងអាចមាននៅក្នុងកំណែថ្មីនៃប្រព័ន្ធធនាគារអនឡាញរបស់សាជីវកម្មធនាគារ កាថេយូណៃធីត (កម្ពុជា) ចំកាត់។

រយៈពេល និង ​អត្រាការប្រាក់

សាជីវកម្មធនាគារ កាថេយូណៃធីត (កម្ពុជា) ចំកាត់ អាចផ្ដល់ជូននូវរយៈពេល និង អត្រាការប្រាក់មានភាពខុសគ្នានៃគណនីប្រាក់បញ្ញើមានកាលកំណត់តាមរយៈប្រព័ន្ធអនឡាញ ជាមួយនឹងប្រភេទខុសគ្នាក្នុងការបើក ហើយអត្រាការប្រាក់នឹងត្រូវបានផ្តល់ជូនអតិថិជនទៅតាមប្រភេទផ្សេងគ្នានៃរយៈពេល និងចំនួនទឹកប្រាក់បញ្ញើដែលអតិថិជនជ្រើសរើសដើម្បីបើកគណនី។ នេះគឺជាអត្រាការប្រាក់របស់សាជីវកម្មធនាគារ កាថេយូណៃធីត (កម្ពុជា) ចំកាត់ ដើម្បីធ្វើឲ្យប្រាកដថា វាគឺជាការផ្ដល់ជូននូវសេវាកម្មនិងដំណោះស្រាយដ៏ល្អបំផុតមួយទៅលើវិស័យវិនិយោគសម្រាប់អតិថិជន។

អត្រាការប្រាក់ និងសេចក្តីណែនាំអំពីកាលកំណត់

អតិថិជន យល់ព្រម និងទទួលស្គាល់ថា អត្រាការប្រាក់នៃគណនីប្រាក់បញ្ញើមានកាលកំណត់អាចនឹងមានការផ្លាស់ប្តូរ/កែប្រែនៅពេលវេលាណាមួយ ផ្អែកលើការសម្រេចចិត្តរបស់សាជីវកម្មធនាគារ កាថេយូណៃធីត (កម្ពុជា) ចំកាត់ ដើម្បីស្របតាមស្ថានភាពតម្រូវជាក់ស្តែងក្នុងការការពារផលប្រយោជន៍ស្របច្បាប់របស់ធនាគារ និងអាចមានការជូនដំណឹង ឫស្នើសុំការយល់ព្រមពីអតិថិជន (ប្រសិនបើតម្រូវដោយច្បាប់ និងបទប្បញ្ញតិ្ដពាក់ព័ន្ធ)។

សម្រាប់ការទូទាត់ការប្រាក់ នឹងត្រូវធ្វើការទូទាត់ទៅឲ្យម្ចាស់គណនីដែលបានជ្រើសរើសបើកគណនីប្រាក់បញ្ញើមានកាលកំណត់តាមរយៈប្រព័ន្ធអនឡាញដែលអនុលោមតាមប្រភេទខុសគ្នានៃលក្ខខណ្ឌមានកាលកំណត់។ ប្រសិនបើ គណនីប្រាក់បញ្ញើមានកាលកំណត់តាមរយៈប្រព័ន្ធអនឡាញបានបិទមុនពេលកាលបរិច្ឆេទកំណត់ ការប្រាក់នឹងមិនត្រូវបានផ្ដល់ជូនអតិថិជននោះឡើយ។ ទឹកប្រាក់ដើម និង ការប្រាក់នឹងត្រូវបានផ្ដល់ជូនសម្រាប់ការបិទគណនីនៅកាលបរិច្ឆេទកំណត់តែប៉ុណ្ណោះ។ ការប្រាក់ទាំងអស់ដែលត្រូវផ្ដល់ជូននឹងត្រូវដកពន្ធកាត់ទុកស្របតាមច្បាប់ និង បទប្បញ្ញត្តិពន្ធដារដែលចូលជាធរមាននៃព្រះរាជាណាចក្រកម្ពុជា។

ពន្ធកាត់ទុកនិវាសនជននឹងត្រូវដកពីការទូទាត់ការប្រាក់ដែលបានបង្កើតសម្រាប់ម្ចាស់គណនីជនជាតិខ្មែរ។ ទោះជាយ៉ាងណា ពន្ធកាត់ទុកនិវាសនជនអាចអនុវត្តបានសម្រាប់តែជនបរទេសដែលធ្លាប់បានរស់នៅក្នុងប្រទេសកម្ពុជាយ៉ាងតិច១៨២ថ្ងៃ ដោយមានការផ្ដល់ឯកសារគ្រប់គ្រាន់។ សម្រាប់ម្ចាស់គណនីអនិវាសនជននឹងត្រូវដកពន្ធកាត់ទុកតាមពន្ធកាត់ទុកអនិវាសនជន។ យើងផ្ដោតទៅលើភាពត្រឹមត្រូវនៃឯកសារនិងព័ត៌មានដែលលោកអ្នកបានផ្ដល់ឲ្យដើម្បីជ្រើសរើសប្រភេទពន្ធមួយដែលត្រឹមត្រូវសម្រាប់គណនីលោកអ្នក។

វិញ្ញាបនបត្រប្រាក់បញ្ញើមានកាលកំណត់តាមរយៈប្រព័ន្ធអនឡាញ

សម្រាប់ការដាក់ប្រាក់បញ្ញើមានកាលកំណត់តាមរយៈប្រព័ន្ធអនឡាញរបស់សាជីវកម្មធនាគារ កាថេយូណៃធីត (កម្ពុជា) ចំកាត់ នឹងមិនផ្តល់ជូននូវវិញ្ញាបនបត្រឡើយ។ វានឹងត្រូវបានចុះបញ្ជីគណនីនៅក្នុងកម្មវិធីប្រព័ន្ធធនាគារអនឡាញរបស់សាជីវកម្មធនាគារ កាថេយូណៃធីត (កម្ពុជា) ចំកាត់ ដែលលោកអ្នកអាចមើលព័ត៌មានលម្អិតនៃការដាក់ប្រាក់បញ្ញើមានកាលកំណត់តាមរយៈប្រព័ន្ធអនឡាញ ឬ ប្រតិបត្តិការនៃគណនីបង្គោល។

លេខកូដសម្ងាត់ (OTP)

លេខកូដ OTP មាន ៦ ខ្ទង់ដែលបង្កើតដោយប្រព័ន្ធស្វ័យប្រវត្តិហើយផ្ញើទៅកាន់លេខទូរស័ព្ទរបស់ម្ចាស់គណនីដែលបានចុះឈ្មោះប្រើប្រាស់សេវាកម្មធនាគារតាមប្រព័ន្ធអ៊ីនធឺណិតជាមួយសាជីវកម្មធនាគារ កាថេ យូណៃធីត (កម្ពុជា) ចំកាត់។

ការផ្ទៀងផ្ទាត់ជីវមាត្រ

ការផ្ទៀងផ្ទាត់ជីវមាត្រគឺអនុញ្ញាតសម្រាប់អតិថិជនដែលបានប្រើប្រាស់ទូរស័ព្ទជាមួយ ស្នាមក្រយៅដៃ ឬការសម្គាល់ទម្រង់មុខ សម្រាប់សេវាកម្មធនាគារតាមប្រព័ន្ធអ៊ីនធឺណិតផ្ទាល់ខ្លួន។

ការបិទគណនីប្រាក់បញ្ញើមានកាលកំណត់តាមរយៈប្រព័ន្ធអនឡាញ

ប្រសិនបើលោកអ្នកចង់បិទគណនីប្រាក់បញ្ញើមានកាលកំណត់នេះ លោកអ្នកត្រូវអញ្ជើញមកកាន់សាខា របស់សាជីវកម្មធនាគារ កាថេយូណៃធីត (កម្ពុជា) ចំកាត់ ណាមួយដើម្បីធ្វើការបិទ។

ព័ត៌មាន​ផ្ទាល់ខ្លួន

យើងយកចិត្តទុកដាក់ចំពោះឯកជនភាពរបស់លោកអ្នក។ រាល់ព័ត៌មានទាំងអស់ដែលលោកអ្នកបានផ្តល់ជូនធនាគារនឹងត្រូវបានរក្សាទុកជាការសម្ងាត់និងសុវត្ថិភាពដោយខាងធនាគារ។ ប្រសិនបើលោកអ្នកជ្រើសរើសប្រើប្រាស់សេវាកម្មទាំងនេះ នោះលោកអ្នកយល់ព្រមនឹងគោលការណ៍ឯកជនភាពរបស់សេវាធនាគារ កាថេ យូណៃធីត (កម្ពុជា) ចំកាត់ (CUBC mBanking)។ លោកអ្នកមានសិទ្ធិទទួលបានព័ត៌មានទាំងនោះដោយអាចស្នើសុំនៅការិយាល័យកណ្តាល ឬសាខាណាមួយរបស់សាជីវកម្មធនាគារ កាថេយូណៃធីត (កម្ពុជា) ចំកាត់ ហើយលោកអ្នក ប្រកាសថាព័ត៌មានដែលបានផ្តល់គឺពិតនិងត្រឹមត្រូវ។

ធនាគារយើងខ្ញុំនឹងខិតខំប្រឹងប្រែងដើម្បីរក្សាព័ត៌មានផ្ទាល់ខ្លួនរបស់លោកអ្នកឱ្យបានទាន់ពេលវេលា។ ដើម្បីជាជំនួយដល់យើងខ្ញុំ សូមអនុញ្ញាតឱ្យយើងខ្ញុំដឹងពីការផ្លាស់ប្តូរណាមួយនៅក្នុងព័ត៌មានលម្អិតផ្ទាល់ខ្លួននិងអាជីវកម្មរបស់លោកអ្នក។

ដំណោះស្រាយ

សម្រាប់ការបើកគណនីប្រាក់បញ្ញើមានកាលកំណត់តាមប្រព័ន្ធធនាគារអនឡាញ យើងដឹងថាពេលខ្លះអាចនឹងមានបញ្ហាកើតឡើង ខណៈពេលលោកអ្នកកំពុងធ្វើប្រតិបត្តិការ ឬបន្ទាប់ពីលោកអ្នកបានបញ្ចប់ប្រតិបត្តិការរួចរាល់។ នៅពេលដែលមានបញ្ហាទាំងអស់នេះ ធនាគារនឹងព្យាយាមកំណត់នូវមូលហេតុដែលបណ្តាលឲ្យមានបញ្ហាកើតឡើងជាមួយនឹងការផ្តល់ជូនអតិថិជននូវដំណោះស្រាយដ៏ល្អបំផុត។ ក្នុងករណីដែលលោកអ្នកជឿជាក់ថាគណនីប្រាក់បញ្ញើមានកាលកំណត់តាមរយៈប្រព័ន្ធធនាគារអនឡាញរបស់លោកអ្នកមានបញ្ហាកើតឡើង សូមធ្វើការទំនាក់ទំនងភ្លាមៗមកកាន់ផ្នែកទំនាក់ទំនងរបស់ធនាគារដោយទូរស័ព្ទទៅកាន់លេខ (៨៥៥) ២៣ ៨៨ ៥៥ ០០។

Teleការផ្ទេរប្រាក់ Telegraphic Transfer (International) សំដៅដល់ការផ្ទេរប្រាក់ទៅកាន់ធនាគារផ្សេងៗនៅក្រៅប្រទេស។

តាមរយៈការប្រើប្រាស់សេវាផ្ទេរប្រាក់ Telegraphic Transfer (International) ខ្ញុំបានយល់ព្រមទៅតាមលក្ខខណ្ឌផ្សេងៗដែលគ្រប់គ្រងទៅលើសេវាអេឡិចត្រូនិច​ គណនីសន្សំ គណនីចរន្ត ព្រមទាំងសេវាផ្ទេរប្រាក់ក្រៅប្រទេស។

ខ្ញុំបានដឹងថាប្រតិបត្តិការរបស់ខ្ញុំ ត្រូវបានធ្វើឡើងដោយផ្អែកទៅលើអត្រាប្ដូរប្រាក់ក្នុងកំឡុងពេលធ្វើប្រតិបត្តិការ ដែលអាចខុសគ្នាពីអត្រាប្ដូរប្រាក់ដែលបានបង្ហាញលើគេហទំព័ររបស់ធនាគារ (CUBC)​។

ខ្ញុំយល់ព្រមផ្តល់ជូននូវរាល់ឯកសារពាក់ព័ន្ធបន្ថែមដែលតម្រូវដោយធនាគារ​ (CUBC) ហើយខាងធនាគារ (CUBC) នឹងមិនទទួលខុសត្រូវចំពោះប្រតិបត្តិការណាមួយដែលមិនត្រូវបានធ្វើឡើង ដោយសារតែឯកសារតម្រូវមិនគ្រប់គ្រាន់នោះឡើយ។