ធនាគារកាថេ យូណៃធីត បានស្វែងយល់ និងផ្តោតសំខាន់លើប្រភេទគណនីបញ្ញើសន្សំ ដែលជាតម្រូវការចាំបាច់ក្នុងការប្រើប្រាស់ទៅតាមប្រភេទអាជីវកម្ម លំហូរសាច់ប្រាក់ និងគោលដៅនាពេលបច្ចុប្បន្ននៃអាជីវកម្មរបស់លោកអ្នក។ ដូច្នេះហើយទើបធនាគារផ្តល់ជូននូវជម្រើសជាច្រើនប្រភេទ សម្រាប់គណនីបញ្ញើសន្សំ ដើម្បីបំពេញរាល់តម្រូវការអាជីវកម្មលោកអ្នកកាន់តែរីកចម្រើនសមស្របតាមដំណាក់កាលនីមួយ។

គណនីចរន្ត

ធនាគារកាថេ​​យូណៃធីត ជម្រុញអោយអតិថិជនជ្រើសរើសការប្រើប្រាស់មូលប្បទានប័ត្រ ដើម្បីពន្លឿនការគ្រប់គ្រងប្រតិបត្តិការហិរញ្ញវត្ថុនៃអាជីវកម្មរបស់លោកអ្នកឲ្យកាន់តែមានភាពងាយស្រួល។ នេះជាមូលហេតុដែលធនាគារផ្តល់ជូនដល់អតិថិជននូវអត្ថប្រយោជន៏​ទាក់ទងទៅលើការទូទាត់មូលប្បទានប័ត្រមួយចំនួនដូចជា ការផ្តល់ជូននូវតម្លៃពិសេសនិងសេវាល្អ។ ជាមួយនឹងសេវាកម្មគណនីចរន្តរបស់ធនាគារកាថេយូណៃធីត ពុំមានគិតតម្លៃសេវាប្រចាំខែឬ តម្លៃសេវាទូទាត់នៃមូលប្បទានប័ត្រនីមួយៗនោះឡើយ។