សេវាកម្មអេធីអឹម

សាជីវកម្មធនាគារកាថេយូណៃធីតកម្ពុជាចំកាត់ មានម៉ាស៊ីនអេធីអឹមជាង ៦០ កន្លែងដែលបានផ្តល់ភាពងាយស្រួលដល់អតិថិជនរបស់ធនាគារ ពេញ២៤ម៉ោង។ ជាមួយនឺងអេក្រង់ក្រាហ្វិកដែលមានភាពងាយស្រួលក្នុងការធ្វើប្រតិបត្តិការ ដោយផ្តល់នូវជម្រើសជា ភាសាខ្មែរ អង់គ្លេស និងចិន ហើយវាបានធ្វើអោយការធ្វើប្រតិបត្តិការ លើម៉ាស៊ីនអេធីអឹមរបស់សាជីវកម្មធនាគារកាថេយូណៃធីតកម្ពុជាចំកាត់ទទួលបាននូវបទពិសោធន៏យ៉ាងរលួន។

ម៉ាស៊ីនអេធីអឹម របស់យើងមានភាពសាមញ្ញក្នុងការប្រើប្រាស់ និងទទួលយកប័ណ្ណឥណពន្ធប្រភេទវីសា របស់សាជីវកម្មធនាគារកាថេយូណៃធីតកម្ពុជាចំកាត់ ប័ណ្ណឥណទានប្រភេទវីសា របស់សាជីវកម្មធនាគារកាថេយូណៃធីតកម្ពុជាចំកាត់ប័ណ្ណឥណទាន ប្រភេទម៉ាស្ទ័រ របស់សាជីវកម្មធនាគារកាថេយូណៃធីតកម្ពុជាចំកាត់ ក៏ដូចជា ប្រភេទប័ណ្ណ CSS , Plus, Maestro, Cirrus, Diners Club International, VISA Electron, VISA និង Master Card ដែលចេញដោយធនាគារផ្សេងៗទៀតមកពីជុំវិញពិភពលោក។

សាជីវកម្មធនាគារកាថេយូណៃធីតកម្ពុជាចំកាត់ បានបញ្ជាក់ និងអនុវត្តស្តង់ដារសុវត្ថិភាព អ៊ីអឹមវី (EMV) ដោយប្រើម៉ាស៊ីនអេធីអឹម អេនស៊ីអា (NCR) ដើម្បីការពារអ្នកប្រើប្រាស់ម៉ាស៊ីនអេធីអឹម របស់ខ្លួនពីការសម្របសម្រួលសេវាអេធីអឹម ដ៏មានសក្តានុពល។ ក្នុងជំហាននេះដែរ សាជីវកម្មធនាគារកាថេយូណៃធីតកម្ពុជាចំកាត់ ដើរតួជាឧស្សាហកម្មកាតដ៏ល្អបំផុត ហើយបាននឹងកំពុងគាំទ្រដល់ការផលិត និងទទួលយកប័ណ្ណអ៊ីអេមវីប្រភេទវីសា តាំងពីដើមឆ្នាំ ២០០៣មកម្លេះ ហើយជាថ្មីម្តងទៀតវាបានគូសបញ្ជាក់ពីតួនាទីឈានមុខគេប្រកបដោយភាពច្នៃប្រឌិត នៅក្នុងឧស្សាហកម្មទូទាត់ដែលគាំទ្រដោយកាតក្នុងស្រុក។

ការប្រើប្រាស់ និងការគ្រប់គ្រងប្រតិបត្តិការរបស់អ្នកជាមួយម៉ាស៊ីនអេធីអឹម

• ត្រូវយកចិត្តទុកដាក់ឲ្យបានខ្ពស់ ចំពោះម៉ាស៊ីនអេធីអឹម និងទីតាំងជុំវិញខ្លួនរបស់អ្នក។ ធ្វើប្រតិបត្តិការរបស់អ្នកនៅទីសាធារណះ ជាមួយនឹងទីកន្លែងដែលមានពន្លឺគ្រប់គ្រាន់ និងទីតាំងស្រឡះល្អ ។
• ត្រូវអនុវត្តតាមការណែនាំនៅលើអេក្រង់ដែលបានបង្ហាញ។ ឧទាហរណ៏: មិនត្រូវចុចលេខសំងាត់របស់អ្នកឡើយរហូតដល់ម៉ាស៊ីនអេធីអឹមស្នើសុំឲ្យអ្នកចុច។
• សូមកុំប្រញាប់បញ្ជូលកាតរបស់អ្នកទៅក្នុងកន្លែងបញ្ជូលកាត។
• មិនត្រូវអនុញ្ញាតឲ្យអ្នកដទៃ មើលឃើញលេខសំងាត់របស់អ្នកឡើយ។
• មិនត្រូវអនុញ្ញាតឲ្យអ្នកដទៃ ជួយអ្នកក្នុងពេលធ្វើប្រតិបត្តិការឡើយ។
• មិនត្រូវប្រើប្រាស់ម៉ាស៊ីនអេធីអឹម ដែលមានអេក្រង់ទទេ។
• ប្រសិនបើអ្នកបានឃើញឧបករណ៏ដែលគួរឲ្យសង្ស័យនៅកន្លែងម៉ាស៊ីនអេធីអឹម សូមកុំបន្តប្រើប្រាស់ម៉ាស៊ីនអេធីអឹម។
• សូមទទួលយកកាតរបស់អ្នក និង បង្កាន់ដៃបន្ទាប់ពីការធ្វើប្រតិបត្តិការ។
• សូមរាយការណ៏មកកាន់ធនាគារភ្លាមៗ ក្នុងករណីបាត់កាត ឬកាតបានជាប់ក្នុងម៉ាស៊ីនអេធីអឹម។
• សូមតាមដានរបាយការណ៏ធនាគាររបស់អ្នកជានិច្ច និង ពិនិត្យមើលសមតុល្យរបស់អ្នក និងត្រូវរាយការណ៏ចំពោះសកម្មភាពមិនប្រក្រតីណាមួយ។

នៅពេលដែលលោកអ្នកកំពុងប្រើសេវាកម្មម៉ាស៊ីនអេធីអឹម សូមប្រយ័ត្នចំពោះឧបករណ៍ណាមួយដែលអាចភ្ជាប់ជាមួយនិងកន្លែងបញ្ចូលកាតរបស់ម៉ាស៊ីនអេធីអឹម ឬផ្នែកផ្សេងទៀតនៃម៉ាស៊ីនអេធីអឹម ដែលអាចធ្វើអោយរូបរាង និង ប្រតិបត្តិការរបស់ម៉ាស៊ីនអេធីអឹមមានសភាពខុសប្រក្រតី។ ប្រសិនបើអ្នករកឃើញឧបករណ៍មិនប្រក្រតីណាមួយនៅលើម៉ាស៊ីនអេធីអឹមរបស់យើង ឬកាតរបស់អ្នកត្រូវបានជាប់ក្នុងម៉ាស៊ីនអេធីអឹម សូមទំនាក់ទំនងមកកាន់យើងខ្ញុំតាមរយៈទូរសព្ទលេខ ០២៣ ៨៨ ៥៥ ០០។